2013年2月27日星期三

高級評論



香港藝術發展局(藝發局)舉辦首屆「ADC藝評獎」,由24歲的賈選凝奪得金獎,題目是「從《低俗喜劇》透視港片焦慮」,狠批《低俗喜劇》以極富羞辱性的方式去『污名化』大陸人形象,又說彭浩翔用文化垃圾娛樂普羅大眾成功等等。這類五毛評論奪獎,當然令人驚訝!但看到評審團主席是林沛理,又覺得合理。

簡要形容林沛理是誰?A貨魯迅。此君是那種怨念很重的人,以文化潔癖的角度去評論,喜歡四圍鬧人,專門鬧那些廣受歡迎的人和事,從而引人注目。老實講,為了增加本部落的觀看人次,真想用這招,雖則俗套,但必定成功。好似蘋果影評的仰止,將《少年pi》和《孤星淚》亂鬧一通便多人看了其影評,哈哈!當我看到賈選凝的思維,不期然想到林沛理,不信的話,自行找林的文章看看,行文方式極似。

今次彭浩翔真是有幸有不幸。如果《一路向西》有四千萬票房,賈選凝不會選中《低俗喜劇》,但也要恭喜彭浩翔,三級新作《飛虎精英之套票出征》將會大紅,因為香港人不會受賈選凝的高級評論影響而討厭低俗。


節錄賈選凝對《低俗喜劇》的評論及我的玩評:

賈評:「以極富羞辱性的方式去『污名化』大陸人形象……其實是狹隘的『精神勝利法』」。
玩評:賈小姐太少睇港產片啦!港產片取笑鬼佬同日本仔之多之賤,係妳不能想像,當然挖苦得最勁嘅對象,係香港人自己啦!成件事最失敗之處,就係只有大陸人投訴。

賈評:彭浩翔有小聰明卻沒有大承擔,他很清楚貶低大陸人在本土有「政治正確」的效果,能讓港人「自我感覺良好」,卻也無形中展示出香港社會最狹隘、最投機與最虛偽的一面。
玩評:大咩!承咩!擔咩!彭浩翔只係導演,唔係偉人呀!重有呀!唔投機,唔虛偽就唔係香港人啦!

賈評:男主角杜汶澤接受採訪時大言不慚:「低俗是港產片的一個核心價值。」本土創作者與受眾早已視「低俗」為理所當然,甚至理直氣壯地將其美化為「香港特色」,這種文化消費上顛倒黑白、毫無反省能力的惡性循環,才真正讓人感到悲哀。
玩評:妳有妳道理,不過被內地人指責毫無反省能力,感覺好怪!其實呢嗰感覺係好唔理性,完全違反「對事唔對人」,但係真係覺得好怪囖!

賈評:香港認為大陸缺乏文明,而在大陸心目中,香港是怎樣的形象?──彭浩翔回答你,是「三級」。
玩評:希望將來提升到「四級」!

賈評:大陸人來港炒樓、買名牌、進戲院看三級片,香港只能滿足他們膚淺的、物質的、消費的需求,但本土文化的輸出上卻很蒼白。
玩評:無計啦!市場主導!無理由有水魚游埋嚟,唔走去劏?

賈評:無論是「反大陸化」的熱烈,還是反國民教育的堅定,港人作出判斷的基礎都是「恐懼」。
玩評:唔通嗰基礎係喜悅咩?

賈評:大陸人由昔日的窮親戚變成今日的金主和老闆,令香港人始終意難平……(《低俗喜劇》)以極富羞辱性的方式去「污名化」大陸人形象……這種醜化與奚落,其實是狹隘的「精神勝利法」。
玩評:問題係嗰窮親戚以前殺人放火,無惡不作,而家俾佢發埋達,始終會意難平。香港人真係好怕丁蟹嗰類人!

賈評:「作為評論人,唔係針對導演,我覺得個方式我唔鍾意,香港人deserve睇更加好嘅電影」。
玩評:理得導演用咩方式,香港人只係唔想再睇古裝片。

賈評:彭浩翔一次訪問中表明,《低》是為香港人而拍的,這想法「好恐怖」。
玩評:挑!大陸又唔上得,其他市場又唔睇港產片,彭浩翔唔係咁講,可以點講?


9 則留言:

  1. 陶傑:賈選凝小姐的「藝評」,最多值五毛

    https://zh-hk.facebook.com/tokit.channel

    回覆刪除
  2. 賈選凝背後的林沛理

    林沛理同賈選凝,都共用過《信報》「占飛」嘅筆名,大家寫啲嘢同出一轍。

    http://thehousenews.com/society/%E4%BA%94%E8%90%AC%E8%97%9D%E8%A9%95%E7%8D%8E%E4%B9%8B%E5%89%8D%E4%B8%96%E4%BB%8A%E7%94%9F/

    回覆刪除
    回覆
    1. to:危險速逃
      一早知林沛理同賈選凝啲關係,幾時都話「出來做野識人好過識字」,哈哈!重有林沛理係香港電台逢星期二做「講東講西」,佢講嘅嘢,同賈小姐啲思維都係一樣,唔知賈小姐係物以類聚定係投其所好?

      刪除
  3. 賈小姐篇文好正,完美示範即使斯斯文文,大抛書包,
    唔講粗口,充滿人文關懷,一樣可以寫得好低級。

    回覆刪除
    回覆
    1. to:匿名
      最火滾係篇文完全五毛風格!賈小姐呢重人自小被人洗腦,種下仇恨種子,只要有人睇小內地人,佢哋就出嚟咬人!

      我曾經寫過呢種人點樣形成,解釋過佢哋點解要抛書包:
      http://oldhkmovie.blogspot.hk/2012/08/blog-post.html

      刪除
    2. 大陸洗腦比層壓式推銷騙局更周密,
      冇返咁上下清醒同智慧,好難醒覺。
      波叔何必為呢啲腦殘喪屍火滾?

      反而睇到你提到阿燦"口既"際遇,真係有啲心痛。
      我冇留意娛樂新聞,唔知佢攪成咁。
      希望佢大步檻過。

      刪除
    3. to:匿名
      傻啦!我點會為呢啲人發真火,玩吓啫!

      刪除
  4. 現在,賈選凝可以叫「假選贏」!

    回覆刪除
    回覆
    1. 果然,人怕改壞名…

      amo

      刪除